يالعين صيري ::::: غازي بن عون

رضا الشيحي · 25-08-2010, 02:32 AM

يالعين صيري دايم الـدوم تبكيـن * على مدار أربع وعشريـن ساعـه
إرثي لعمر فـات وانعيـه يالعيـن * وابكي على ما فاتنا مـن طماعـه
اليوم كملتي من العمـر خمسيـن * تلعبـك اوهـام الغـرور ومتاعـه
ياما خدعنا الوقت بالمظهر الزين * واليوم يا عينـي عرفنـا خداعه
ما ندري إن الوقت له باطن شيـن * الا بعد مـا قـام يسقـط قناعـه
وإن ما انتهزنا تالي العمر فالديـن * ولاخسرنا ما لنـا مـن بضاعـه
باقي العمر في علـم رب الثقليـن * تماكنـي تاليـه قبـل انقشـاعـه
مع هجعة اوباش الملا لاتهجعين * احيي الدجا ذكر وتوسل وطاعه
اليا بقا ثلث ومضى منـه ثلثيـن * وقـت يربـح باذريـن الزراعـه
لانامـوا اللـي فالملـذات لاهيـن * تضرعـي لله باكـف الضـراعـه
ويا الاذن في قول الخنا لاتوحين*والذكر والنصح انصتي لاستماعـه
اليا استمعتي للذكر والصحيحيـن * يصير عندك ضـد غيـره مناعـه
ويا الرجل لوحيتي الندا لاتوانيـن* اليا دعا داعـي صـلاة الجماعـه
وياالنفس مع درب الهوى لا تميلين*بيعيه مثل اللي زهـد به وباعـه
الخمسـة الاركـان لازم تلبـيـن * بتوحيد واخلاص ويقيـن وقناعـه
عسى بتال العمر ثقـل الموازيـن * كود يتعوض مامضى من ضياعه
سالين كنـا دايـم الـدوم حييـن *ولا دامت الدنيـا لـراع الشفاعـه
والأنبيـا والأوليـا والسلاطـيـن * واهل المروة والكـرم والشجاعـه
العبد مهما عمر أحقـاب وسنيـن * له ساعة فيهـا يطـوي شراعـه
يرحل وخلانـه وربعـه مقيميـن * وتثير فرقا الشمل بعـد اجتماعـه
وصلوا على المبعوث جد الحسنين*مانبت من نبت وما ازهر طلاعه

غازي بن عـون

حميد الشمري · 26-08-2010, 10:48 AM

صح لسان غازي بن عون ..!
وتسلم على النقل يا رضآ ..

أبو عبدالعزيز · 30-08-2010, 09:24 PM

تتميز دائماً بذوق رائع وراقي
يــــع ــــــطيــكـ الــــع ــــآفيه
على هالقصيده الجزله
تقبل مروري }

رضا الشيحي · 10-09-2010, 05:32 AM

اقتباس:

المشاركة الأصلية كتبت بواسطة حميد الشمري


	صح لسان غازي بن عون ..! وتسلم على النقل يا رضآ ..

حياكـ حميــد .
ومشكـور ع المرور

رضا الشيحي · 10-09-2010, 05:38 AM

اقتباس:

المشاركة الأصلية كتبت بواسطة سلطان الشيحي


	تتميز دائماً بذوق رائع وراقي يــــع ــــــطيــكـ الــــع ــــآفيه على هالقصيده الجزله تقبل مروري }

الله يعـآفيــكـ ..
ومتشكـر عالمرور

سعد الثابتي · 10-09-2010, 12:51 PM

صح لسانك ولسان الشاعر

قصيدة جميلة

شكرا ألف رضا

احترامي